ֻ× ||غنوووجه ||...'s profileֻ× ||غنوووجه || ×ֻBlogLists

<< First < Previous Next > Last >>

January 15

رواية بنات الرياض

رواية بنات الرياض من اكثر الاعمال الادبيه التي احدثت ضجه كبيره في المملكه هذا العام وقد تعرضت كاتبتها رجاء الصانع للكثير من الانتقادات والهجوم الغير مبرر ، وبنفس الوقت لاقت الروايه ترحيب من القسم الاخر من المجتمع السعودي وكان من المؤيدين لها الدكتور غازي القصيبي الذي اثنى عليها ، وكنت مثل كل الناس بموووت واقرا هذي الروايه الممنوعه في السعوديه ، وصيت كل اللي اعرفهم يجيبونها لي ، بس محد عطاني وجه ، وسمعت انها تباع في السوق السوداء بالالف وفي مقر عملي جابتها وحده ويوم حبيت استعيرها واصورها قالت لي انه قبلي قائمه كبيره من الاسماء وانه لو احط اسمي يمكن ما توصلني الا بعد كم شهر ههههههههههههه وفقدت الامل اني اقراها قريب ، بس اختي هيوف قالت لي انها نزلت من النت وكاااامله في ملف وورد وانها بدت بقرائتها ولا خلصت بترسلها لي عالماسنجر ، وفعلا امس ارسلتها لي وجلست اقرااا فيها من الفجر لين بعد الظهر ههههههه ما بغيت انام الا وانا مخلصتها ، لانها مره ممتعه وبسرعه ودي اوصل للاخر واعرف وش مصير هالبنات ، رايي فيها انها مره تجنن ورهيبه ، اعجبتني كثير من جد رااائعه لا تفوتكم ، حتى وانتم تقرون بتقولين هذي انا ، قد شفت هالموقف ، قد صار لي كذا ، قد شفت هالناس بحياتي ، اسلوبها في الكتابه جميل جداً ومترابط واللهجه العاميه وخفة الدم واتقانها لكل اللهجات السعوديه وايضاً تحليلها لنفسيات البنات والاولاد والعلاقه بينهم وكشف خفايا المجتمع السعودي المحافظ من اروع الاشياء اللي ساعد على نجاح هذي الروايه ما ودي احرق عليكم الروايه

استمتعوا بالقراءه

رواية بنات الرياض اضغط هنا للتحميل

وهنا ايضاً موقع رجاء الصانع